Ýmsar greinar

Ofbeldi hefur margar birtingarmyndir og á sér stað á mörgum stöðum í mannlegum samskiptum.  Þegar talað er um ofbeldi getur það verið andlegt, líkamlegt og/eða kynferðislegt.  Því getur verið beitt gegn ókunnugum og/eða þeim sem gerandi þekkir mjög vel.  Bæði börn og fullorðið fólk getur verið beitt ofbeldi og bæði börn og fullorðnir geta beitt ofbeldi.

Ofbeldi er þess eðlis að það brýtur niður sjálfsmynd þess sem því er beittur og sá sem beitir ofbeldi gerir það oft í skjóli þess að hann hefur vald yfir þolanda sínum, annað hvort stöðu sinnar vegna eða vegna þess að hann hefur brotið vilja og kjark þolanda síns á bak aftur.  Þegar talað er um ofbeldi í íslenskum fjölmiðlum er sjónum oft beint að ofbeldi á heimilum, kynferðisofbeldi gegn börnum, einelti í skólum og ofbeldi í fjölskyldum.  

Afleiðingar ofbeldis geta verið mjög alvarlegar og mikilvægt er að samfélagið sé í stakk búið til að taka á ofbeldi, hvort sem er gegn börnum eða fullorðnum.  Afleiðingar ofbeldis hafa ekki eingöngu áhrif á þolandann heldur einnig fjölskyldu hans og nánasta umhverfi og því má segja að það sé samfélagsleg skylda okkar að fræða fagstéttir okkar til þess að takast á við þessi mál og vinna með afleiðingarnar, hvort sem um ræðir lækna, sálfræðinga, kennara, leikskólakennara, félagsráðgjafa eða aðra sem vinna með mannleg samskipti og hafa afskipti af málefnum barna og fjölskyldna.  Þá er mikilvægt að fræðsla um ofbeldi og viðbrögð við því snúi ekki eingöngu að afleiðingum og þolendum, heldur einnig að áhættuþáttum og gerendum.

Hugrekki.is mun leggja áherslu á að setja inn greinar og fleira fræðandi efni um ofbeldi inn á vefinn og er það von mín að sá fróðleikur nýtist bæði þolendum, aðstandendum, gerendum, fagaðilum og öðrum sem vilja fræðast um málefnið.

Greinasafn

Illt umtal: Ekki einkamál þeirra sem taka þátt.  Grein eftir Ingibjörgu Þórðardóttur.

Að vera ekki alltaf hið fullkomna foreldri.  Grein eftir Ingibjörgu Þórðardóttur

Að taka afstöðu í kynferðisbrotamálum gegn börnum. Grein eftir Ingibjörg Þórðardóttur.

Þöggum ekki niður í þolendum ofbeldis. Grein eftir Ingibjörgu Þórðardóttur.

Hlustum – líka þegar það er erfitt.  Grein eftir Thelmu Ásdísardóttur.

Þessi síða er sífellt í uppbyggingu og halda því áfram að koma nýjar greinar inn á hana.

Ýmsar greinar was last modified: November 29th, 2019 by admin